小孫的去後感：

第一次見到搪膠figure，應該係上年o既事o羅∼個時都未有咁『興』呀∼我亦只當佢o地係一d平平無奇的figure，同我以前玩開o既Barbie無乜分別∼!!但當我睇過多本雜誌的介紹後，加上再用腦(平時唔多用o既)諗一諗，發覺搪膠figure並唔係咁簡單o既……

4月o既時候，有幸同Daniel一齊去Toy Con──Plug In Toy。我lee個 『潮流半桶水』，就抱住一股既緊張又興奮o既心情去參觀參觀。（其實係因為無錢買o野……）一入到會場，嘩∼∼∼∼好細，場地比我想像中細！！o係會場中，我估最『揚』眼o既一定係Michael所推出的figure，因為一入去就比佢條排隊買『狗』o既人塞住哂……||||||另外，鐵人所出o既Brother Joker亦鋒芒畢露!!但我最想見到o既就梗係Band 5喇，一來我係一個Band友∼二來我比佢o地o既造型吸引∼∼服裝、結他、到蛋『達』，都好仔細，加上我成日係雜誌見到o既，只係一個個o既figure，並諗唔到加埋場景會有咁o既效果∼

我o地兜兜轉轉，轉轉兜兜行o左幾行，沿途見到不少o既玩具，聖鬥士呀、高達呀，仲有宜家最興o既──爆旋陀螺……我o羅住部傻瓜機到處影相∼∼原來影figure仲比影人辛苦，點o羅角度，點可以影到o個個又唔遮住lee個呢∼好高學問！！

『蝦』∼∼有時諗，真係好想知道設計figure o既人係抱住咩心態去做佢o地o既傑作呢？？問o下自己，點解會想出figure呢∼我就因為想我所設計o既figure更多人識，由一個平面公仔，變成一個立體figure ∼哈哈∼唔知佢o地係咪咁諗呢∼完o左lee 次Toy Con之後，我之前的緊張興奮心情全部無哂，點解呢？？點解呢？？唔通現實係殘酷o既∼∼有錢就有得玩，無錢就無得玩……

PLUG IN TOYS八種感覺
【文：Daniel <daniel@fes.org.hk>】

BROTHERS JOKER──It's so bitter! No joy!
「背後的訊息，簡單來說，就是希望大家能放鬆點、開心點，珍惜生命，積極做人。」鐵人兄弟的創作班子如此說。當天在現場看到BROTHERS JOKER時，身邊擠滿了人，想找個好一點的角度拍照也要排隊。事實上，B.J.的製作十分有創意──吊鹽水架變身雜耍單輪車、滅火器變身吹汽球器、消防面罩變身肥豬鼻、廚師手套變身青蛙頭；細緻的程度更不用說──單單看那些迷你襟章就夠過癮了！不過總覺得七位B.J.的顏色配搭太不鮮艷，配合特別扭曲的小丑化妝，實在感受不到小丑帶來的歡樂……只是「苦中作樂」吧？

LAM DOG──Zero creativity!
Michael Lau X Jan Lam另一「杰」作──貴死了！雖然兩位都是上了神檯的潮流先鋒，而「啤咩啤」波衫也夠過癮，但我情願買有Maxx搪膠附送的gardenergala book。啤咩啤！？

OLD SKOOL & CO.──Snowboarding is exciting!
OLD SKOOL & CO.出品，必屬OLD品。第一眼看見那堆figure古著波鞋，完全有霎眼嬌，但完全沒有購買慾。後來才在兆萬超人發現古著波鞋是《fulltimeEbayer》附送的甜品一客。反而TOY CON結束後才推出的12吋Snowboard figure (Simon) 勁吸引！

MUSTARD YELLOW──Feeling senseless euro-style…
今年TOY CON的紀念搪膠，Colan Ho創作，有點Amazing Twins的影子（其實根本就是Amazing Twins的作者何家超創作的啦！），有點歐陸風格。作者還聯想了燈泡＋消防栓＋屎塔……等多重用途。不過我認為：創意可以無厘頭，但設計一定要有意思。MUSTARD YELLOW似乎是有創意、但無意義的作品。

JASON NG──Respect!
Eric So的李小龍figure系列聲名大噪後，Jason Ng再出一套李小龍已慢人一步，失卻先機。我在TOY CON現場觀察，這套李小龍沒有引起太多人的注目或談論，可是Jason Ng的造工的確精緻，無論服裝還是配件都足見其誠意。唯一美中不足的是這套figure的面相捕捉不住李小龍的神態──雖然據稱是按照李小龍當年留下的1:1面模縮成！
完美固然不可能，但身處香港這個商業掛帥的城市，我們會不會重視製作誠意？

KOJI SKULL GUARD──Zero feeling at all!
沒興趣。

PAZO ART──Be yourself!
Pal Wong很正！以前在尖沙咀利時看到的卡通式光頭佬figure，原來就是他的傑作！傳媒把Michael Lau和Eric So捧得太多，反而令人喜歡Pal Wong的帶來的草根感覺──因為與我們的生活最貼近──「唔扮o野、做自己」！

BAND5IVE──It's relaxing!
與同名的英國boy band「5IVE」無關，Band5ive是一個figure組合，「樂隊」成員們擺出jam歌的姿態，不jam歌的女孩擺出玩AIBO狗仔的姿態，還有精緻的維他奶和南洋蛋撻……與同場出現的figure組合DA TEAMBRONX一樣，展現出最典型的年輕人休閒生活方式。